• As inscricións estarán abertas ata o 29 de marzo. Poden tramitarse na Casa do Concello achegando o anexo correspondente dispoñible na web municipal, www.assomozas.es.
O departamento de Servizos Sociais do Concello das Somozas organiza un novo obradoiro de habilidades cognitivas e de memoria dirixido a persoas maiores de 60 anos.
As clases comezarán o vindeiro mércores 30 de marzo e prolongaranse ata o mércores 8 de xuño. Impartiranse os luns e os mércores en horario de 16:00 a 17:30 horas no centro cívico municipal da Garita.
O prazo para inscribirse estará aberto ata o 29 de marzo. Os rexistros poden tramitarse na Casa do Concello achegando cuberto o anexo correspondente dispoñible na páxina web municipal, www.assomozas.es.
